Fel Uwch Weithiwr Cefnogi Tenantiaeth, byddwch yn gwneud gwahaniaeth gwirioneddol i fywydau pobl eraill wrth i chi weithio gyda phobl i ddatblygu eu cynlluniau cymorth tenantiaeth personol, hyblyg sy’n canolbwyntio ar yr unigolyn fel y gallant fyw eu bywyd i’w lawn botensial, mor annibynnol â phosibl ac yn eu cartref eu hunain.
Mae hon yn rôl gyffrous lle nad oes dau ddiwrnod yr un fath, byddwch yn ymgysylltu â’n defnyddwyr gwasanaeth trwy ddarparu cymorth sy’n ymwneud â thenantiaeth wedi’i deilwra’n unigol, gan adeiladu eu gwytnwch a’u galluogi i wneud dewisiadau gwybodus am eu dyfodol. Y nod allweddol yw parhau i helpu tenantiaid i gynnal tenantiaethau a thrwy wneud hynny, cefnogi a galluogi tenantiaid i fyw bywyd mwy sefydlog.
