Ydych chi’n rhan o gymuned wledig yng Nghymru gyda syniad i lunio’ch cymuned ar gyfer dyfodol gwell yn lleol?
Ar 16 Mehefin 2025 lansiodd Partneriaeth Polisi ac Arloesi Lleol (LPIP) Cymru Wledig Rural Wales y Grant Rhaglen Ymchwil a Arweinir gan y Gymuned LPIP Cymru Wledig.
Mae hwn yn gyfle newydd i hyd at chwe chymuned wledig gael £20,000 i archwilio’r hyn sy’n bwysig yn lleol a all arwain at newid positif.
Mae hwn yn fwy na grant yn unig! Bydd cymunedau llwyddiannus hefyd yn derbyn hyfforddiant, cymorth a chyfleoedd i gysylltu.
Mae gan y LPIP bedwar thema, ac mae’n rhaid i’ch pwnc gyd-fynd ag o leiaf un ohonynt:
- Adeiladu Economi Adfywiol
- Cefnogi’r Pontio i Sero Net
- Grymuso Cymunedau ar gyfer Adferiad Diwylliannol
- Gwella Lles mewn Lle
Mae’r grant ar agor i gymunedau mewn lleoliad neu le yn yr ardaloedd awdurdod lleol gwledig canlynol yng Nghymru: Sir Gaerfyrddin, Ceredigion, Conwy, Sir Ddinbych, Gwynedd, Ynys Môn, Sir Fynwy, Sir Benfro, a Phowys.
Os ydych chi eisiau gwybod mwy, mae Together for Change yn cynnal gweminar ar 2il Gorffennaf, 12:00 – 13:30 i ofyn cwestiynau. Os oes gennych chi ddiddordeb, gallwch gofrestru yma. Bydd y weminar yn cael ei recordio a bydd ar gael ar wefan Gyda’n Gilydd dros Newid.
Mae’r dyddiad cau ar gyfer cyflwyno ffurflenni cais am y grant erbyn canol nos ar 29eg Awst 2025. Bydd ymgeiswyr ar y rhestr fer yn cael eu cyfweld ar 22/23 Medi 2025 a disgwylir i brosiectau ddechrau cyn diwedd mis Hydref 2025 a’u cwblhau erbyn diwedd mis Mehefin 2026.
I gael mwy o wybodaeth, cwestiynau a ofynnir yn aml a’r ffurflen gais, ewch I Cymru Wledig LPIP Rural Wales – Community-led Action Research – Together for Change
