Sut all CAVS helpu
Os hoffech wirfoddoli:
- Gallwn siarad â chi am fanteision gwirfoddoli
- Gallwn eich helpu dod o hyd i rôl ystyrlon yn wirfoddolydd
- Gallwn siarad â chi am wirfoddoli anffurfiol yn eich cymuned
- Gallwn eich cyfeirio at Cysylltu Sir Gâr
- Gallwch gofrestru ar wefan Gwirfoddoli Cymru, ac edrych drwy’r Cyfleoedd Gwirfoddoli sydd gan fudiadau yn Sir Gaerfyrddin a thu hwnt.
Beth yw gwirfoddoli?
Mae gwirfoddoli yn golygu cyflawni unrhyw weithgarwch sy’n cynnwys treulio amser, yn ddi-dâl, yn gwneud rhywbeth sy’n ceisio gwneud lles i’r amgylchedd neu rywun (unigolion neu grwpiau) ac eithrio perthnasau agos.
Mae’n rhaid i wirfoddoli fod yn ddewis a wneir yn rhydd gan bob unigolyn.
Pam mae pobl yn gwirfoddoli?
Mae llawer o resymau pam mae pobl yn dewis gwirfoddoli. Dyma rai o’r rhesymau y mae pobl yn sôn wrthym amdanynt:
- Rhoi rhywbeth yn ôl
- Cynnig help llaw
- Mae’n rhywbeth i’w wneud
- Cwrdd â phobl newydd
- Gwneud ffrindiau
- Dysgu rhai sgiliau newydd
- Rheswm i fynd allan o’r tŷ
- Bydd yn edrych yn dda ar fy CV
- Rhoi ymdeimlad o bwrpas imi
- Rwyf eisiau cael profiad ymarferol
- Rwyf wrth fy modd yn chwarae pêl droed
- Er mwyn teimlo’n dda amdanaf fy hunan
- Fy helpu i gael swydd
- Gwella fy Saesneg / Cymraeg
- Rwyf yn teimlo’n ddiflas
- I gael hwyl
- Dywedodd rhywun wrthyf i wneud
- Rwyf yn teimlo fel cymryd rhan mewn rhywbeth newydd
- Er mwyn gwneud rhywbeth gwerth ei wneud
Mae’r rhan fwyaf o wirfoddolwyr yn gwneud hynny am nifer o resymau gwahanol. Os oeddech yn meddwl am wneud rhywfaint o wirfoddoli, beth fyddai eich rhesymau dros wneud?
Gwahanol fathau o wirfoddoli
Gwirfoddoli ffurfiol a Gwirfoddoli cymunedol neu anffurfiol:
Gwirfoddoli ffurfiol
Gyda llaw, nid oes rhaid i Wirfoddoli ffurfiol fod yn ‘ffurfiol’! Yr hyn mae’n ei olygu yw y byddwch yn gwirfoddoli i elusen neu fudiad sy’n ymgysylltu â gwirfoddolwyr i’w cefnogi yn eu gwaith.
Gall hyn olygu cynnig help llaw mewn mudiad lleol, fel Neuadd Bentref neu i elusen genedlaethol fwy fel yr Ymddiriedolaeth Genedlaethol. Fel arfer bydd gennych rôl wirfoddol benodol yr ydych yn ei chyflawni, a byddwch yn aml yn gwirfoddoli eich amser yn rheolaidd.
Mae mwy o fanylion ar ein tudalen Gwirfoddoli Ffurfiol.
Gwirfoddoli cymunedol neu anffurfiol
Gall Gwirfoddoli cymunedol olygu cynnig help llaw anffurfiol i’ch cymdogion. Gall fod yn fyrfyfyr, gall fod i gefnogi digwyddiadau rheolaidd neu anghenion untro a bydd yn gwneud gwahaniaeth i lle rydych yn byw. Gall rhannu eich amser, eich sgiliau a’ch profiad, eich brwdfrydedd a’ch teimladau helpu lleddfu unigedd ac unigrwydd, cefnogi gwytnwch a llesiant eich cymuned a dod â phob un ohonoch yn nes at eich gilydd. Yn aml iawn efallai y bydd llawer ohonoch yn adnabod eich gilydd, sy’n gallu gwneud pethau’n rhwyddach.
Mae mwy o fanylion ar ein tudalen Gwirfoddoli Cymunedol.
