Gwahoddiad gan Marie Curie (Dyddiadau sesiynau NEWYDD)
Pan fo rhywun yn marw, mae’n bosibl na fyddwn ni’n barod am yr effeithiau emosiynol nac ymarferol. Hoffai Marie Curie gael eich help i ddatblygu’r wybodaeth a’r gefnogaeth rydyn ni’n ei gynnig ar adegau anodd fel hyn. Os ydych chi wedi cael profedigaeth, a’ch bod yn teimlo y gallech drafod eich profiad mewn grŵp bach, buasem yn ddiolchgar iawn o gael eich help.
Hoffem glywed am eich profiadau o brofedigaeth, pa help gawsoch chi, pa help yr oedd ei angen arnoch, a beth hoffech fod wedi ei wybod ar y pryd.
Cynhelir y ddau sesiwn:
- 2yh dydd Iau 31 Mawrth, wyneb yn wyneb yn swyddfeydd Diverse Cymru yng Nghaerdydd
- 10.30yb dydd Gwener 1 Ebrill, ar-lein
Os hoffech gymryd rhan yn un o’r sesiynau hyn, cysylltwch â julie.skelton@mariecurie.org.uk os gwelwch yn dda.
Rydym yn cydnabod y byddwn oll, ar ryw adeg yn ein bywydau, yn profi colled a phrofedigaeth. Efallai y byddwch yn dymuno myfyrio ar eich profiad personol a’ch emosiynau, cyn penderfynu ai nawr yw’r amser iawn ichi ymuno â’r grŵp trafod hwn. Mae’r sesiynau wedi’u cyfyngu i 6 cyfranogwr er mwyn gwneud yn siŵr ei fod yn awyrgylch cyfforddus i chi gyfrannu eich safbwyntiau a’ch profiad ynddo. Cofiwch, os bydd angen arnoch, mae ein gwasanaethau cefnogaeth yma i chi. Gallwch alw ein Llinell Gymorth am ddim ar 0800 090 2309 (8yb-6yh dydd Llun i ddydd Gwener ac 11yb-5yh ar ddyddiau Sadwrn)
Gobeithiwn glywed gennych.
